Кöч тöлысь 1-4 лунъяс

Заводитчис «Парламентса вежон». Коми Республикаса Каналан Сӧветлӧн депутатъяс нуӧдiсны республикаса каръяслӧн да районъяслӧн велӧдчан заведениеясын велӧдчысьяслы восьса урокъяс. 

Коми Республикаса Каналан Сӧветӧн Веськӧдлысь И.В. Ковзель нуӧдіс урок народнӧй дипломатия лицейса гырысь классъясын велӧдчысьялы.

Кöч тöлысь 3 лун

Коми Республикаса Каналан Сӧветлӧн депутат лун дырйи депутатъяс видзӧдлісны, кыдзи  Сыктывкарын пӧртӧны олӧмӧ «Доступная среда» республиканскӧй уджтас.

Кöч тöлысь 4 лун

Коми Республикаса Каналан Сӧветӧн Веськӧдлысь участвуйтіс  «Общественнӧй контроль: инӧда подувъяс да технологияяс» тема серти VII  Коми Республикаса гражданскӧй форумын.

Коми Республикаса Каналан Сӧветын кывкӧрталісны «Коми Республикаса медбур призывник - 2015» конкурс. Уджалан котырлӧн заседаниенас юрнуӧдіс дінмуса парламентӧн веськӧдлысь Игорь Ковзель.

Кöч тöлысь 7 лун

Коми Республикаса Каналан Сӧветын муніс уджалан сӧвещание, кӧні видлалісны «2015 вося да 2016-2017 воясся планӧвӧй кадколаст вылӧ Коми Республикаса республиканскӧй сьӧмкуд йылысь» КР оланпас бала видлалан ведомствокостса сӧгласуйтан комиссиялысь сёрнигижӧд олӧмӧ пӧртӧм. Мероприятиенас юрнуӧдіс КР Каналан Сӧветлӧн сьӧмкуд, вот да экономическӧй политика комитетӧн веськӧдлысь Иван Медведев.

Кöч тöлысь 10 лун

Коми Каналан Сӧветын кыпыда нимӧдісны «Россияса предпринимательстволӧн история» проект, кодӧс дасьтісны  «Деловая Россия» ӧтйӧза котыр да Российскӧй историческӧй котыр. Мероприятиеын участвуйтісны Каналан Сӧветӧн Веськӧдлысь Игорь Ковзель да дінмуса парламентлӧн депутат,  «Деловая Россия» сӧветӧн веськӧдлысь Сергей Артеев.

Кöч тöлысь 28 лун

Депутатъяслӧн выль состав чукӧртчывліс Коми Республикаса VI бӧрйӧм Каналан Сӧветлӧн I сессияса котыртан заседание вылӧ. Медшӧрнас лоис Коми Каналан Сӧветӧн Веськӧдлысьӧс бӧрйӧм. Унджык депутатыс бӧрйисны Надежда Дорофееваӧс.