Ода-кора тöлысь 9 лун

Коми Республикаса Каналан Сӧветлӧн веськӧдлысьяс да депутатъяс участвуйтісны кыпыд мероприятиеясын, кутшӧмъясӧс сиисны Айму вӧсна Ыджыд тышын вермӧмсянь 74 волы.

Ода-кора тöлысь 15 лун

Коми Республикаса Каналан Сӧветын муніс Россия Федерацияса субъектъяслӧн канму власьт органъяслӧн мобилизуйтан дасьлун кузя семинар-сӧвещание. Сэні участвуйтісны оланпас пыртан органъясӧс петкӧдлысьяс, Россияса дінмуяслӧн мобилизуйтан органъясӧн юрнуӧдысьяс, Войвыв Флотлӧн Штабӧс петкӧдлысьяс да Россия Федерацияса субъектъяслӧн военнӧй комиссаръяс.

Ода-кора тöлысь 23 лун

Колян вося вӧльгым тӧлысьын Коми Республика паськыда пасйис  Юрий Алексеевич Спиридоновлысь 80 вося тшупӧда пас. «Эпохалӧн морт», коми парламентаризмлӧн тшӧтшъя, Комилӧн медводдза Юралысь, сійӧ пуктіс тӧдчана пай республикаса ӧнія оланпас пыртан власьт да дзоньнас дінмуӧс сӧвмӧдӧмӧ. Тавося кӧч тӧлысь 30 лунӧ тырас 95 во коми войтырлӧн нималана пилы - Иван Павлович Морозовлы.

Ода-кора тöлысь 24 лун

Ухтаын Войтыркостса да конфессияяскостса йитӧдъяс ладмӧдӧм кузя карса сӧветлӧн заседание вылын видлалісны экстремизм ӧлӧдан юалӧмъяс. Сэні участвуйтісны Коми Республикаса Каналан Сӧветлӧн депутатъяс Нина Бондарева, Игорь Шиманский да Екатерина Руденко, парламентса спикер Надежда Дорофеева, республикаса национальнӧй политика министр Галина Габушева да Комиын МВД-са миграцияӧн веськӧдланінса начальник Сергей Вагнер.

Ода-кора тöлысь 27 лун

Коми Республикаса Каналан Сӧветлӧн социальнӧй политика комитетын видлалісны аскотырлы социальнӧй контракт пыртӧм кузя эксперимент.

Ода-кора тöлысь 28 лун

Коми Республикаса Каналан Сӧветын муніс «гӧгрӧс пызан», кӧні видлалісны Коми Республикаын олан пунктъяс биаруӧн могмӧдӧм. Мероприятиесӧ нуӧдіс Сьӧмкуд, вот да экономическӧй политика комитетӧн веськӧдлысь Степан Чураков.

Ода-кора тöлысь 29 лун

Мунiс Коми Республикаса Сӧветъясӧн юрнуӧдысьяслӧн сӧветлӧн заседание.

Ода-кора тöлысь 30 лун

Коми Республикаса Каналан Сӧветын чукӧртчывліс Президиум.