Каналан Сöветса комитетъяс

Коми Республикалöн Каналан Сöветса
2011 во урасьöм тöлысь 17 лунся IV-9/37 №-а
шуöм дорö содтöд

 Коми Республикалöн Каналан Сöветса комитетъяс йылысь

ПАНАС

  1.  Панас
    1. Коми Республикаса Оланподув, "Коми Республикаса Каналан Сöвет йылысь" Коми Республикаса оланпас серти Коми Республикаса Каналан Сöвет (водзö – Каналан Сöвет) котыртö Каналан Сöветса депутат лыдысь Каналан Сöветса комитетъяс.
    2. Каналан Сöвет котыртö Каналан Сöвет уджлöн шöр туйвизьяс серти татшöм комитетъяс:
  • Коми Республикалöн Каналан Сöветса оланпастэчас да меставывса асвеськöдлöм комитет (водзö – оланпастэчас да меставывса асвеськöдлöм комитет);
  • Коми Республикалöн Каналан Сöветса сьöмкуд, вот да экономическöй политика комитет (водзö – сьöмкуд, вот да экономическöй политика комитет);
  • Коми Республикалöн Каналан Сöветса йöзлы отсöг сетан политика комитет (водзö – йöзлы отсöг сетан политика комитет);
  • Коми Республикалöн Каналан Сöветса вöр-ва озырлун, вöр-ваöн вöдитчан да экология комитет (водзö – вöр-ва озырлун, вöр-ваöн вöдитчан да экология комитет).
  1. Каналан Сöветса комитетъяс уджалöны Россия Федерацияса Оланпасподув вылö, Коми Республикаса Оланпасподув вылö, "Коми Республикалöн Каналан Сöвет йылысь" Коми Республикаса Оланпас вылö, Коми Республикаса мукöд оланпас вылö подуласьöмöн.
  1. Каналан Сöветса комитетъяслöн уджмогъяс
    1.  Каналан Сöветса комитетъяс (водзö – комитетъяс):
      1. Каналан Сöветса Уджаланартöн урчитöм ног серти дасьтöны да водзвыв видлалöны:

а) Коми Республикаса оланпас балаяс, сы лыдын Коми Республикаса Оланподулö вежсьöмъяс да (либö) содтöдъяс пыртöм йылысь, Коми Республикаса оланпасъясö вежсьöмъяс пыртöм йылысь либö тайö актъяс вынтöмöн лыддьöм йылысь оланпас балаяс;

б) Коми Республикаса выль оланпасъяс видлалан да примитан оланпас пыртан вöзйöмъяс;

в) оланпас балаяс дорö вежсьöмъяс;

г) Каналан Сöветса шуöм балаяс, сы лыдын Коми Республикаса оланпасъяс гöгöрвоöдöм йылысь;

  1. Каналан Сöветса Уджаланартöн урчитöм ног серти видлалöны федеральнöй оланпас балаяс, кодъяс воöны Россия Федерациялöн Федеральнöй Собраниеса Каналан Думаысь, а сiдзжö Россия Федерацияса субъектъяслысь оланпас пыртан водзмöстчöмъяс;
  2. дасьтöны Россия Федерациялöн Федеральнöй Собраниеса Каналан Думаö оланпас пыртан водзмöстчöмöн шыöдчöм йылысь вöзйöмъяс Россия Федерациялöн Федеральнöй Собраниеса Каналан Думаö оланпас пыртан водзмöстчöмöн шыöдчöм йылысь вöзйöмъяс дасьтан да пыртан ног йылысь панасöн урчитöм ног серти;
  3. отсалöны збыльмöдны федеральнöй оланпасъяс, Коми Республикаса оланпасъяс да Каналан Сöветöн да сылöн органъясöн примитöм мукöд шуöм;
  4. видзöдöны Коми Республикаса Оланподулö, Коми Республикаса оланпасъясö, Каналан Сöветса инöда актъясö кутчысьöм да збыльмöдöм бöрся, Коми Республикаса оланпасъясöн öтнога вöдитчöм бöрся;
  5. дасьтöны Коми Республикаса республиканскöй сьöмкуд йылысь Коми Республикаса оланпас балаяс серти вöзйöмъяс;
  6. видлалöны гражданасянь да организацияяссянь Каналан Сöветö воöм шыöдчöмъяс да дасьтöны на вылö вочакывъяс;
  7. видлалöны ас удж котыртан юалöмъяс;
  8. дасьтöны комитетъясöн нуöдöм мероприятиеяс йылысь (удж туйвизь серти) юöр Öтуввезын Каналан Сöветлöн официальнöй сайт вылын йöзöдöм могысь;
  9. пырöдчöны комитетса туйвизь серти парламентса кывзöмъяс котыртöмö да нуöдöмö;
  10. пырöдчöны комитетса туйвизь серти депутат лун, "гöгрöс пызанъяс", конференцияяс да мукöд мероприятие котыртöмö да нуöдöмö;
  11. Каналан Сöветса Веськöдлысьлöн либö сiйöс вежысьяслöн тшöктöм серти видлалöны Коми Республикаса прокурорлысь паныда гижöд да шыöдчöм, юстиция органъяслысь экспертнöй кывкöртöдъяс, дасьтöны на серти вöзйöмъяс;
  12. котыртöны Каналан Сöветöн аслас веськöдлантор серти ёрд шуöмъяс збыльмöдöм;
  13. видлалöны кандидатураяс, кодъясöс вöзйисны Каналан Сöветлы чинö индöм (бöрйöм) могысь либö вöзйöны Каналан Сöветлы чинö индiгöн сöгласуйтöм могысь;
  14. öтув уджалöны Россия Федерацияса Федеральнöй Собраниелöн Каналан Думаса да Федерация Сöветса комитетъяскöд, Коми Республикаса чина йöзкöд, Коми Республикаса олöмö пöртысь власьт органъяскöд, Коми Республикаса канму органъяскöд, федеральнöй канму власьт органъяскöд либö тэчас юкöдувъяскöд, меставывса асвеськöдлан органъяскöд, öтйöза öтувъяскöд, мукöд организациякöд лöсялана комитетлöн веськöдлöм улö пырысь тайö Панасöн сетöм юалöмъяс серти;
  15. пöртöны олöмö комитетса удж туйвизьяс серти парламенткостса öтвылысь уджалöм;
  16. видлалöны кывкöртöдъяс, сы лыдын Коми Республикаса оланпас балаяслысь да Каналан Сöветса шуöм балаяслысь коррупциялы паныд нуöдöм экспертизалöн бöртасъяс серти;
  17. видлалöны оланпастэчасöн налöн веськöдлöм улö пырысь мукöд юалöм.
  1. Ассьыныс уджмогъяс збыльмöдöм могысь комитетъяслöн эм инöд:
    1. корны налöн веськöдлöм улö пырысь юалöмъяс дасьтöм могысь колана документъяс да юöръяс, а сiдзжö корны видлавны пасйöм юалöмъяссö Коми Республикаса чина йöзöс, учреждениеясса да организацияясса чина йöзöс;
    2. кыскыны аслас уджö организацияяс, наука учреждениеяс, велöдан заведениеяс, торъя туялысьясöс да специалистъясöс;
    3. публичнöя видлавны юалöмъяс, кодъяс пырöны налöн веськöдлöм улö да кодъяслöн эм öтйöза тöждъяс;
    4. пыртны вöзйöмъяс да вöзйöгъяс Каналан Сöветлöн мукöд комитетлы да комиссиялы, Коми Республикаса олöмö пöртысь власьт органъяслы, Коми Республикаса канму органъяслы, меставывса асвеськöдлан органъяслы, öтйöза котыръяслы;
    5. котыртны комитет уджын туйвизьяс серти уджалан чукöръяс да экспертнöй сöветъяс;
    6. нуöдны уджалан чукöръяслысь, "гöгрöс пызанъяс", экспертнöй сöветъяслысь уджалан сöвещаниеяс, чукöртчылöмъяс да мукöд мероприятие;
    7. юöртны йöзöс юöртан средствояслы комитетъясöн (налöн уджын туйвизьяс серти) нуöдан мероприятиеяс йылысь чукöртчылöмъяс.
  1. Комитетъяслöн уджын медшöр туйвизьяс
    1.  Комитетъяс дасьтöны да видлалöны юалöмъяс, кодъясöс пасйöма тайö Панасса 4 пунктын, примитöны Каналан Сöветö воöм документъяс серти решениеяс, а Каналан Сöветлöн Уджаланартöн артыштöм лоöмторъяс дырйи – кывкöртöдъяс татшöм туйвизьяс серти:
      1. оланпастэчас да меставывса асвеськöдлöм комитетлöн:

а) Коми Республикаын оланподув тэчаслöн подув, канму власьт да меставывса асвеськöдлöм котыртан да олöмö пöртан юрподувъяс;

б) федеративнöй тэчасног;

в) Коми Республикаса канму символъяс;

г) Коми Республикаса канму власьт котыртöм;

д) Коми Республикаса канму власьт органъяслöн да Коми Республикаса канму мукöд органлöн удж йылысь юöр дiнö лэдзöм;

е) Каналан Сöветлöн, сылöн органъяслöн, Каналан Сöветса депутатъяслöн инöда статус;

ж) бöрйысян оланпастэчас;

з) Коми Республикаын меставывса асвеськöдлöмлöн юалöмъяс, Коми Республикаын меставывса асвеськöдлан бöрйöм органъяслöн уджалан практика да мытшöдъяс;

и) награда политика серти юалöмъяс (наградаяслöн статус);

к) Коми Республикаын административнöй да мутас да муниципальнöй тэчасног;

л) Коми Республикаса канму гражданскöй служба, Коми Республикаын муниципальнöй служба котыртан подув;

м) Коми Республикаын коррупциялы паныд политика збыльмöдiгöн коррупциялы паныд мунöм;

н) Коми Республика мутасын оланпаслы лöсялöм, правопöрадок, войтырлысь öпастöмлун видзöм;

о) административнöй кывкутöм, мый пырö Коми Республикалöн веськöдлöм улö;

п) ёрдлöн, инöд видзан да мукöд органлöн кадръяс;

р) пöжарысь видзчысьöмлун, вöр-васа да техногеннöй сяма виччысьтöм лоöмторъясысь йöзöс да мутасъяс видзöм;

с) Каналан Сöветлысь удж котыртöм, Каналан Сöветса Уджаланартлöн нормаясö кутчысьöм бöрся видзöдöм;

т) депутат этика;

у) комитетлöн уджалан туйвизьяскöд йитчöм мукöд юалöм;

  1. сьöмкуд, вот да экономическöй политика комитетлöн:

а) сьöмкуд тэчасног да сьöмкуд процесс;

б) Коми Республикаса республиканскöй сьöмкуд да сiйöс олöмö пöртöм бöрся видзöдöм;

в) бюджеткостса йитöдъяс;

г) финансово-кредитнöй йитöдъяс;

д) эмбур йитöдъяс;

е) вот политика;

ж) инвестиция да инновация удж;

з) оланiн да коммунальнöй овмöс (сы лыдын тарифъяс);

и) промышленносьт;

к) транспорт, связь;

л) туй овмöс;

м) агропромышленнöй комплекс (сы лыдын аквакультура);

н) стрöитчöм;

о) ас вылö уджалöм;

п) вузасьöм;

р) туризм;

с) реклама;

т) сьöмкуд да экономическöй оланпастэчас юкöнын административнöй кывкутöм;

у) комитетлöн уджалан туйвизьяскöд йитчöм мукöд юалöм;

  1. йöзлы отсöг сетан политика комитетлöн:

а) олысьясöс социальнöя могмöдöм, олысьяслы социальнöй отсöг сетöм, социальнöй страхуйтöм;

б) подув, уджсикасö велöдöм да быдтöм-сöвмöдöм; в) наука да наука да техника политика;

г) дзоньвидзалун видзöм;

д) национальнöй политика да войтыркостса йитöдъяс;

е) Коми Республикаса канму кывъяс видзöм да сöвмöдöм;

ж) мутас канму небюджетнöй фондъяс;

з) культура да искусство;

и) мортöс ёнмöдöм да спорт;

к) аскотыр, аскотырöс дорйöм, мамлун, батьлун да челядьдыр;

л) том йöзлöн политика;

м) öтйöза котыръяс, некоммерческöй да енлы эскан организацияяс;

н) олысьяслöн удж да найöс уджöн могмöдöм, уджысь мынтысьöм, удж видзöм;

о) пенсияöн могмöдöм;

п) йöзöс юöртан средствояс да социальнöй реклама;

р) награда политикалöн юалöмъяс (социальнöй тыр позянлунъяс да сьöм мынтöмъяс);

с) оланiн юкöнын социальнöй гарантияяс;

т) гражданалысь дзоньвидзалун видзöмын, тыр арлыдтöмъяслысь инöдъяс да инöда кöсйöмъяс дорйöмын административнöй кывкутöм;

у) комитетлöн уджалан туйвизьяскöд йитчöм мукöд юалöм;

  1. вöр-ва озырлун, вöр-ваöн вöдитчан да экология комитетлöн:

а) вöр-ва озырлун да вöр-ваöн вöдитчöм, сы лыдын му пытшкöсöн вöдитчöм, муöн вöдитчöм, вöрöн вöдитчöм да ваöн вöдитчöм;

б) вöр-ва ресурсъясöн, сы лыдын му пытшкöс ресурсъясöн (углеводороднöй, кöрт шом да абу кöрт шом мупытшса озырлунъяс), вöрöн да мукöд быдмысь ресурсöн, звер-пöткаöн, ваöн да налöн объектъясöн тöлкöн, комплекснöя вöдитчöм, выльмöдöм да видзöм;

в) экологиялысь öпастöмлун видзöм, гöгöртас да вöр-васа гöгöртас объектъяс видзöм, гöгöртас вылö инмöм донъялöм;

г) производство да вöдитчан колясъяс;

д) кыйсьöм, пемöсъясöс, кодъясöс пыртöны кыйсян объект лыдö, видзöм да рöдмöдöм, налысь олан гöгöртас видзöм;

е) гöгöртас видзöмын да вöр-ваöн вöдитчöмын административнöй кывкутöм;

ж) комитетлöн уджалан туйвизьяскöд йитчöм мукöд юалöм.

  1. Комитетлысь удж котыртöм
    1.  Комитетöн юрнуöдö комитетса веськöдлысь, кодi уджалö профессиональнöй пыр подув вылын.
    2. Комитетса веськöдлысь:
      1. планируйтö комитетлысь удж да могмöдö сылысь удж;
      2. котыртö комитетлысь чукöртчылöмъяс да дасьтö чукöртчылöмъяс кежлö материалъяс;
      3. веськöдлö комитетлöн чукöртчылöмъяс вылын да урчитö юалöмъяс видлалан ног;
      4. кырымалö комитетлысь помшуöмъяс, комитетса чукöртчылöмъяслысь сёрнигижöдъяс;
      5. сетö комитетö пырысьяслы комитетлöн уджкöд йитчöм документъяс, материалъяс;
      6. корö пырöдчыны комитетса чукöртчылöмъясын канму власьт органъясöс, канму органъясöс да öтйöза котыръясöс петкöдлысьясöс, специалистъясöс, туялысьясöс;
      7. пырöдчö Президиумлöн да Каналан Сöветса мукöд органлöн уджö;
      8. петкöдлö комитетöс Россия Федерацияса Федеральнöй Сöветлöн Каналан Думаса да Федерация Сöветса комитетъяскöд, Коми Республикаса чина йöзкöд, Коми Республикаса олöмö пöртысь власьт органъяскöд, Коми Республикаса канму органъяскöд, канму власьтлöн федеральнöй органъясса органъяскöд либö тэчас юкöдувъяскöд, меставывса асвеськöдлан органъяскöд, Коми Республикаса Том йöз Парламентса комитетъяскöд, öтйöза öтувъяскöд, тайö Панасöн комитетлы сетöм юалöмъяс серти мукöд организациякöд йитöдъясын;
      9. сетö комитетлöн удж йылысь юöр Öтуввезын Каналан Сöветлöн официальнöй сайтын йöзöдöм могысь, тöдмöдö комитетлöн уджöн йöзöс юöртан средствоясын да петкöдчö комитет нимсянь йöзöс юöртан средствоясын;
      10. котыртö комитетлöн помшуöмъяс олöмö пöртан удж;
      11. юöртö комитетö пырысьясöс комитетлöн помшуöмъяс олöмö пöртöм йылысь, а сiдзжö Каналан Сöветлöн удж йылысь;
      12. лöсьöдö йитöдъяс мукöд комитеткöд;
      13. кырымалö комитет уджлöн юалöмъяс серти документъяс;
      14. урчитö комитетса веськöдлысьöс вежысьяслы могъяс;
      15. котыртö комитетын профессиональнöй пыр подув вылын уджалысь депутатъяслысь удж, урчитö налысь уджмогъяс;
      16. комитетлöн тшöктöм серти петкöдлö Каналан Сöветса да мукöд комитетса чукöртчылöмъяс вылын инöда акт балаяс, комитетса решениеяс, кодъяс пырöны сыöн петкöдлöм комитетöн веськöдлöмкöд йитчöм юалöмъясö;
      17. петкöдлö лöсьöдöм ногöн комитетлöн удж йылысь отчётъяс;
      18. нуöдö комитетса уджалан котыръяслысь да эксперт сöветъяслысь чукöртчылöмъяс;
      19. олöмö пöртö комитетлöн уджалан туйвизьяс серти мукöд уджмог.
    3. Каналан Сöветöн бöрйöм комитетса веськöдлысьöс вежысьяс уджалöны профессиональнöй пыр подув вылын либö шöр уджысь эновтчытöг.
    4. Комитетса веськöдлысьöс вежысь:
      1. веськöдлö комитетлöн уджын торъя туйвизьяс кузя урчитöм могъяс серти;
      2. комитетса веськöдлысьлöн тшöктöм серти петкöдлö Каналан Сöветса да мукöд комитетса чукöртчылöмъяс вылын инöда акт балаяс, комитетса решениеяс, кодъяс пырöны сыöн петкöдлöм комитетöн веськöдлöмкöд йитчöм юалöмъясö;
      3. олöмö пöртö комитетлысь, комитетса веськöдлысьлысь тшöктöмъяс да мукöд удж тайö Панас да урчитöм могъяслöн лыддьöг серти;
      4. олöмö пöртö комитетса веськöдлысьлысь уджмогъяс, сiйö кö абу, да збыльмöдö сылысь могъяс.
    5. Кор комитетса веськöдлысь недыр кадколаст абу (висьö, шойччö), сылысь могъяссö збыльмöдö комитетö пырысьяс пиысь öти. Та дырйи комитет примитö лöсялана помшуöм да индö юалöмъяс, кодъясöс колö збыльмöдны комитетса веськöдлысьлысь могъяс олöмö пöртысьлы.
    6. Комитетын профессиональнöй пыр подув вылын уджалысь депутатъяс збыльмöдöны могъяс, кодъясöс сетiс налы комитетса веськöдлысь, а сiдзжö мукöд мог тайö Панас серти.
    7. Комитетъяслысь удж инöдöн, юöрöн да анализ боксянь, документъясöн, котыртöмöн да техникаöн да мукöдторйöн могмöдöны Каналан Сöветса Аппаратлöн лöсялана тэчаса юкöдувъяс.
  2. Комитетлöн уджалан ног
    1.  Комитет уджалö локтан во вылö Коми Республикаса Каналан Сöветлöн нормотворческöй да видзöдан примернöй уджтас серти, локтан во вылö Коми Республикаса Каналан Сöветлöн да сылöн органъяслöн мероприятиеяс примернöй план серти да комитетлöн уджалан календарнöй план серти.
    2. Комитетлöн уджалан медшöр сикасöн лоö комитетса чукöртчылöм.
    3. Комитетса чукöртчылöмъяссö нуöдöны коланлун серти.
    4. Комитетса öчереднöй чукöртчылöмсö нуöдöны, кыдз векджык овлö, Каналан Сöветса чукöртчылöм водзын. Комитетса чукöртчылöм нуöдан мукöд сикассö индöма тайö Панаслöн 24-27 пунктъясын.
    5. Комитетса чукöртчылöм нуöдан лунсö, кадсö, нуöданiнсö, плансö индö комитетса веськöдлысь да юöртö депутатъяслы-комитетö пырысьяслы.
    6. Коми Республикаса Юралысь, Коми Республикаса Юралысьöс да Коми Республикаса Правительствоöс Каналан Сöветын петкöдлысьяслы, кодъясöс корöма комитетса чукöртчылöм вылö, юöртöны комитетса чукöртчылöм нуöдан лун, кад да нуöданiн йылысь, кыдзи векджык овлö, комитетса чукöртчылöм лунöдз 7 лунысь оз сёрöнджык.
    7. Комитетса чукöртчылöм вылын вермöны лоны инöда сёрнитчан гöлöсöн Коми Республикаса Юралысь, Коми Республикаса Юралысьöс вежысьяс, Коми Республикаса Юралысьöс да Коми Республикаса Правительствоöс Каналан Сöветын петкöдлысьяс, Каналан Сöветса депутатъяс, кодъяс оз лоны сэтчö пырысьяс лыдын, Коми Республикаса олöмö пöртысь власьт органъясöн, Коми Республикаса канму органъясöн юрнуöдысьяс либö индöм юрнуöдысьясöн уполномочитöм йöз. Та дырйи Коми Республикаса Юралысьлöн эм инöда сёрнитчан гöлöс став юалöм серти, кутшöмъясöс видлалöны комитетса чукöртчылöм вылын, мукöд йöзлöн – налöн веськöдлöмкöд йитчöм юалöмъяс серти.
    8. Комитетса чукöртчылöм вылö быть корöны оланпас вöзъян инöда субъектöс, кодi пыртiс проектсö Каналан Сöветлы видлалöм вылö.
    9. Комитетса чукöртчылöмö пырöдчöны Каналан Сöветса Аппаратын уджалысьяс. Комитетса чукöртчылöм вылö вермасны корны экспертъясöс, а сiдзжö колана организацияясöс, йöзöс юöртан средствоясöс петкöдлысьясöс.
    10. Кыдзи векджык овлö, комитетса чукöртчылöмöдз 5 лунысь оз сёрöнджык сылöн веськöдлысь (веськöдлысьöс вежысь) мöдöдö проектъяс пыртысь оланпас вöзъян инöда субъектъяслы комитетлысь став пасйöг, пасйöд, вöзйöм, проектъяс кузя экспертизаяслысь помшуöмъяс, кутшöмъяс вöсна кывкутö лöсялана комитет.
    11. Комитетъяслöн эм право нуöдны öтувъя чукöртчылöмъяс, та дырйи татшöм чукöртчылöмъяс вылын помшуöмъяссö комитетъяс примитöны торйöн.
    12. Комитетлысь öчередтöм чукöртчылöм котыртö комитетса веськöдлысь аслас водзмöстчöм серти либö Каналан Сöветса Веськöдлысьлöн, сiйöс вежысьяслöн тшöктöм серти, либö комитетö став пырысь лыдысь коймöд юкöнысь оз этшаджыклöн корöм серти. Комитетса öчередтöм чукöртчылöм йылысь сылöн веськöдлысь юöртö комитетö пырысьясöс, чукöртчылöмын мукöд участникöс кык суткиысь оз сёрöнджык.
    13. Комитетъяслöн эм инöд нуöдны пöдса чукöртчылöмъяс. Комитетлысь пöдса чукöртчылöм нуöдан ногсö индö лöсялана комитетса веськöдлысь.
    14. Комитетъяслöн Каналан Сöветса Президиумкöд сёрнитчöм серти эм инöд нуöдны бокын нуöдан чукöртчылöмъяс налöн уджалан туйвизьяс серти. Бокын нуöдан чукöртчылöмлысь лунся сёрнитантор, нуöданiн да сiйöс нуöдан ног индö комитетса веськöдлысь.
    15. Комитетса чукöртчылöм правомочнöй, сэнi комитетö став пырысь лыдысь кö джынсьыс абу этшаджык.
    16. Комитетса чукöртчылöм нуöдö комитетса веськöдлысь либö сiйöс вежысьяс пиысь öти. Чукöртчылöм заводитчытöдз юрнуöдысь юöртö комитетö пырысьясöс чукöртчылöм вылö корöм йöз йылысь. Комитетса чукöртчылöмлысь сёрнигижöдсö кырымалö юрнуöдысь.
    17. Кор да дыр-ö лоöны комитетса чукöртчылöм дырйи коставлöмъяс, урчитсьö комитетö унджык пырысьлöн сöгласие серти, кодъяс вöлiны чукöртчылöм вылын.
    18. Комитетса чукöртчылöм планö пыртöм юалöм видлалан да сы кузя помшуöм примитан процедураö пырö:
      1. документ бала серти доклад;
      2. юалöмъяс вылö докладчиклöн вочавидзöмъяс;
      3. комитетö пырысьяслöн видзöдласъясöн вежласьöм;
      4. видлалöм юалöм серти пасйöгъяс, вöзйöмъяс, экспертизалöн бöртасъяс видлалöм да сöгласуйтöм;
      5. решение примитöм.
    19. Сэки, кор докладчик оз вермы тöдмöдны документöн ачыс, сiйö юöртö та йылысь комитетса веськöдлысьлы. Комитетса веськöдлыськöд сёрнитчöмöн юалöмнас вермас тöдмöдны мöд докладчик.
    20. Видлалöм юалöмъяс серти чукöртчылöм вылын комитетö став пырысь лыдысь унджык гöлöсöн комитет примитö решениеяс, а Каналан Сöветса Уджаланартöн артыштöм лоöмторъяс дырйи – вöчö кывкöртöдъяс.
    21. Каналан Сöветса чукöртчылöм вылын кывкутана комитетöс петкöдлысь юöртö тайö юалöм серти кывкутысь комитетöн примитöм решение йылысь да мукöд комитетлöн видзöдлас йылысь.
    22. Комитет уджалö восьсöн, вермö юöртны йöзöс юöртан средствоясын аслас решениеяс йылысь да найöс олöмö пöртöм йылысь.
    23. Медым дасьтыны торъя юалöмъяс, сы лыдын видзöдöм могысь нуöдны прöверкаяс, комитетъяс вермасны котыртны комитетö пырысьяс лыдысь уджалан котыръяс да эксперт сöветъяс.
    24. Сёрнитчöм серти комитетса уджалан котыръясö да эксперт сöветъясö вермöны пырны Каналан Сöветлöн мукöд комитетса депутат, Коми Республикаса чина йöз, Коми Республикаса олöмö пöртысь власьт органъяс, Коми Республикаса канму органъяс, меставывса асвеськöдлан органъяс, öтйöза öтувъяс, наука учреждениеясöс петкöдлысьяс, а сiдзжö специалистъяс да экспертъяс.
    25. Комитетса уджалан котырö да эксперт сöветъясö пырысьяссö, налысь уджалан ногсö вынсьöдöны комитетса помшуöмöн.
    26. Колана дырйи уджалан котырса удж кывкöртöдъяс серти комитетъяс:
      1. тöдмöдöны удж кывкöртöдъясöн Коми Республикаса Юралысьöс, Каналан Сöветöс;
      2. лöсьöдöны вöзйöмъяс да мöдöдöны найöс Коми Республикаса олöмö пöртысь власьт органъясöн, Коми Республикаса канму органъясöн, меставывса асвеськöдлан органъясöн, учреждениеясöн да организацияясöн юрнуöдысьяслы;
      3. дасьтöны Коми Республикаса оланпас, Каналан Сöветса инöда акт балаяс, индöм балаяс дорö вöзйöмъяс;
      4. котыртöны мукöд мероприятие комитетса уджмогъяс серти.
  3. VI. Комитетö пырысьяслöн инöдъяс да могъяс
    1.  Комитетö пырысьяслöн öткодь инöдъяс, кодъяс серти найö активнöя пырöдчöны комитетлöн уджö, олöмö пöртöны лöсялана комитетлысь да Каналан Сöветлысь могъяс, кодъясöс пасйöма тайö Панасын, Каналан Сöветса Уджаланартын, кывкутöны ассьыс удж бура вöчöм вöсна.
    2. Комитетса веськöдлысь да комитетса веськöдлысьöс вежысьяс кывкутöны комитетлöн бур удж вöсна.
    3. Комитетö пырысьяслöн эм инöд:
      1. вына гöлöс вылö комитетöн видлалан став юалöм серти;
      2. вöзйыны юалöмъяс комитетöн видлалöм могысь, пыртны вöзйöмъяс да пасйöгъяс комитетлöн чукöртчылöмса план, комитетöн юалöмъяс видлалан ног да сылöн коланлун серти;
      3. висьтавны ассьыс мöвпъяс органъяслöн торъя пырысьяс да чина йöз кандидатураяс серти, кодъясöс видлалö комитет;
      4. пырöдчыны комитетöн видлалöм юалöмъяс видлалöмын, висьтасьны ассьыныс вöзйöмъяс подулалöмöн да гöлöсуйтöм подулалöмöн;
      5. аслас водзмöстчöм серти либö комитетлöн тшöктöм серти туявны комитетлöн веськöдлöмкöд йитчöм юалöмъяс, öтувтны Коми Республикаса олöмö пöртысь власьт органъяслысь, Коми Республикаса канму органъяслысь, меставывса асвеськöдлан органъяслысь, учреждениеяслысь да организацияяслысь, гражданалысь вöзйöмъяс да тöдмöдны комитетсö аслас кывкöртöдъясöн;
      6. лоны пыртöмöн Каналан Сöветса Веськöдлысьлöн тшöктöмöн либö комитетса помшуöмöн котыртöм уджалан котырö, эксперт сöветö;
      7. босьтны колана котыртан да методика отсöг, справочнöй материал Каналан Сöветса Аппаратын да сылöн тэчаса юкöдулын уджалысьяслысь.
    4. Комитетса чукöртчылöм кадколастö либö комитетлысь тшöктöмъяс олöмö пöртан кадö депутатъяс, кодъяс уджалöны шöр уджысь эновтчытöг, шöр уджаланiн либö служитанiн серти мездыссьöны производственнöй да служебнöй могъяс збыльмöдöмысь "Коми Республикаса Каналан Сöветса депутатлöн статус йылысь" Коми Республикаса Оланпас серти.
    5. Комиссияö пырысьяслы колö:
      1. пырöдчöны комитетлöн, сыöн артмöдöм уджалан котыръяслöн да эксперт сöветъяслöн уджын, кытчö найö пырöны. Комитетса, уджалан котырса, эксперт сöветса чукöртчылöм вылын уджавны позьтöмлун дырйи комитетö пырысь юöртö комитетса веськöдлысьлы либö сiйöс вежысьлы;
      2. олöмö пöртны комитетса веськöдлысьлысь (веськöдлысьöс вежысьяслысь) тшöктöмъяс комитетлöн шöр туйвизьяс серти;
      3. юöртны комитетлы, сылöн веськöдлысьлы (веськöдлысьöс вежысьлы) лöсялана тшöктöмъяс олöмö пöртöм серти бöртасъяс йылысь;
      4. пырöдчыны комитетлысь да Каналан Сöветлысь лöсялана комитетлöн уджалан туйвизьяс серти помшуöмъяс олöмö пöртöмын да сы бöрся видзöдöмын.