Урасьӧм тӧлысь 19 лунӧ Коми Респуликаса Каналан Сӧветын муніс IX сессияса I заседание.

Заседание вылын видлалісны 19 юалӧм. Медтӧдчанаыс  – Коми Республикаса Юралысь Вячеслав Гайзерлӧн 2014 воын КР Веськӧдлан котырлӧн удж йылысь отчёт.

Нӧшта парламентарийяс вынсьӧдісны «Радиация улӧ веськавлӧм гражданалы мынтӧмъяс сетӧмкӧд да мынтӧмкӧд йитчӧм ӧткымын юалӧм йылысь» оланпас, пыртісны вежсьӧмъяс гӧгӧртас видзӧмын йитӧдъяс ладмӧдӧм йылысь, меставывса тӧдчанлуна му пытшкӧсӧн вӧдитчӧмын ӧткымын юалӧм йылысь, пожарнӧй безопасносьтын ӧткымын юалӧм йылысь, велӧдан канму да уджсикасӧ велӧдан организацияясын велӧдчысьясӧс вердӧм йылысь республиканскӧй оланпасъясӧ да мукӧд.

Та кындзи, депутатъяс вынсьӧдісны КР Каналан Сӧветлысь шуӧмъяс, сы лыдын, Коми Республикаса Каналан Сӧветлӧн депутатъясӧс бӧрйӧм могысь ӧти мандата бӧрйысян кытшъяслӧн схема йылысь, 2015 во вылӧ Каналан Сӧветлӧн нормотворческӧй да видзӧдан уджлӧн ылӧса план йылысь; йӧзӧс уджӧн могмӧдӧм йылысь РФ оланпасӧ вежсьӧмъяс пыртӧм кузя оланпас пыртан вӧзйӧм йылысь; кода да спирта юанторъяс вӧчӧмын да паськӧдӧмын йитӧдъяс ладмӧдан федеральнӧй оланпас балаяс йылысь; му пытшкӧс йылысь оланпасӧ вежсьӧмъяс пыртӧм кузя федеральнӧй оланпас бала йылысь.