КР Каналан Сӧветӧн Веськӧдлысь Игорь Ковзелькӧд паныдасьлігӧн Том йӧзлӧн парламентын водзмӧстчысьяс висьталісны асланыс проектъяс йылысь. Ӧтияссӧ збыльмӧдӧны нин, мӧдъясыс сӧмын кабала вылын на. 

Шуам, Наталья Хмара вӧзйис котыртны «Клуб политологии». Вӧзйысь серти, тані том йӧз вермасны видлавны политтехнологияяс, маркетинг да PR кузя юалӧмъяс. Игорь Ковзель ошкис вӧзйӧмсӧ да кӧсйысис волыны клубса заседание вылӧ. Но спикер корис проектӧс дасьтысьӧс бура думыштны сійӧс збыльмӧдӧм кузя. Шуам, коло талун нин корсьны «Клуб политологии» проект нуӧдысьясӧс.

 «Молодёжный контроль» проект котыртысьяслы Каналан Сӧветӧн Веськӧдлысь вӧзйис отсӧг. Некымын во нин студентъяс видзӧдӧны том йӧзлӧн инӧдъяс бӧрся да дінмуса оланпасъяс збыльмӧдӧм бӧрся. Пример пыдди, тыр арлыдтӧмъяслы курыд зелля вузавны дзескӧдӧм йылысь оланпас. Игорь Ковзель шуис, мый «Молодёжный контроль» зэв колана проект и Веськӧдлысь дась отсавны том йӧзлы сійӧс збыльмӧдны.

Княжпогост районын «Вершина» том йӧзлӧн форум, кутшӧмӧн тӧдмӧдіс Аркадий Ложкин, сӧмын на содтӧ ӧдсӧ. Но, медводдза чукӧртчӧм отсаліс аддзыны муниципалитетысь водзмӧстчысь том йӧзӧс.

«Зэв окота, медым став вӧзйӧм балаыс пӧртсис олӧмӧ. Та могысь колӧ выль проект лӧсьӧдігӧн тырвыйӧ думыштны сійӧс водзӧ сӧвмӧдӧм кузя да индыны бӧртас», - вӧзйис Игорь Ковзель Том йӧзлӧн парламентса депутатъяслы.

Паныдасьлӧм помын томулов юасисны, коді нуӧдӧ ВКонтакте Игорь Ковзельлысь лист боксӧ. Вочакыв пыдди Каналан Сӧветӧн Веськӧдлысь босьтіс телефон да петкӧдліс том йӧзлы, мый сэтчӧ вермӧ пырны сӧмын сійӧ. Збыл