Рака тӧлысь 6 лунӧ Коми республиканскӧй филармонияын муніс кыпыд концерт, кутшӧмӧс сиисны Аньяслӧн лунлы. Дінмуса парламентӧн Веськӧдлысь Игорь Ковзель чолӧмаліс аньясӧс Коми Республикаса Каналан Сӧветлӧн депутатъяс нимсянь.

«Дона аньяс, медся мелі да авъя, медся радейтана йӧз. Став сьӧлӧмсянь чолӧмала тіянӧс локтан тувсовъя гажӧн – рака тӧлысь 8 лунӧн! Талун, гаж водзын мужичӧйяс ёна майшасьӧны. Миян пиын быдӧн кӧсйӧ тіянлы аддзыны медся ышӧдана, аслыспӧлӧс козин, медся мича дзоридзьяс. Ог прӧста ми майшасям-котралам, ті ӧд миянӧс сэсся пӧся аттьӧаланныд, меліа нюмъяланныд. И та ради ми дасьӧсь унатор вӧчны! Сӧмын ті ышӧданныд миянӧс, ті сетанныд миянлы вын да эбӧс, медым не сӧмын рака тӧлысь 8 лунӧ, но и быд лун подвигъяс  вӧчны. Таысь ме кӧсъя висьтавны тіянлы ыджыд аттьӧ! Тайӧ сӧстӧм лунӧ кӧсъя сины, медым сьӧлӧм выланыд век вӧлі долыд, медым век югъяліс шонді, медым енеэжыс век вӧлі сӧстӧм, медым тіян олӧмын век оліс муслун да мелілун!» – шыӧдчис аньяс дорӧ Игорь Ковзель.