Урасьӧм тӧлысь 20 лунӧ Коми Республикаса Каналан Сӧветӧн Веськӧдлысь Игорь Ковзель участвуйтіс кыпыд чукӧртчӧмын, кутшӧмӧс сиисны Айму дорйысьлӧн лунлы.

«Тайӧ гажыс инмӧ тайӧ залын быд пукалысьлы. Удж вылӧ видзӧдтӧг ті радейтанныд Чужан му, пыдди пуктанныд сылысь историясӧ да оланпасъяссӧ, дасьӧсь дзик пыр дорйыны Айму. Тіян олӧмын медтӧдчанаыс – бур ним, смеллун, долг да веськыдлун. Тайӧ качествоясыс  быд кадӧ петкӧдлісны роч мортлысь сямсӧ. 18 нэмын на роч кывбуралысь да канморт  Гаврила Романович Державин висьталіс, мый «медся тӧдчанаыс – дорйыны Айму». Кыксё во мысти тайӧ кывъясыс зэв ёна лӧсялӧны талунъя серпаслы да налӧн выль вежӧртас. Коло тайӧ вежӧртас йылысь висьтавны челядьлы да том йӧзлы, ӧд таво Ыджыд тышын вермӧмсянь 70 во! Ме тӧда, мый тіян пиын унаӧн зіля велӧдӧны томуловӧс радейтны чужан му да зэв нимкудь, мый челядь сьӧлӧмсяньыс пырӧдчӧны тайӧ уджас», – тӧдчӧдіс Игорь Ковзель кыпыд чукӧртчӧм вылӧ локтысьяслы.