Выльторъяс

2015 во вылӧ да 2016-2017 воясся планӧвӧй кадколаст вылӧ республиканскӧй сьӧмкуд видлалöм

Коми Республикаса Каналан Сӧветӧн Веськӧдлысь Игорь Ковзель вынсьӧдіс «2015 во вылӧ да 2016-2017 воясся планӧвӧй кадколаст вылӧ Коми Республикаса республиканскӧй сьӧмкуд йылысь» РК оланпас бала Коми Республикаса Каналан Сӧветын видлалан мероприятиеяслысь план.

Тайӧ план серти, йирым да вӧльгым тӧлысьясын мунасны республикаса канму уджтасъяс серти уджалан сӧвещаниеяс. Та кындзи, «Юӧртан котыр» канму уджтас кузя видлаласны сьӧкыда воӧдчан да этша лыда районъясын связьлӧн ӧнія сикасъяс сӧвмӧдӧм йыылсь юалӧм. Депутатъяс торйӧн видлаласны «Содтӧд мераяс йылысь, кутшӧмъяс бурмӧдӧны 2015 воын да 2016-2017 воясся планӧвӧй кадколастын Коми Республикаса республиканскӧй сьӧмкудлон сьӧмӧн вӧдитчӧм» республиканскӧй оланпас бала.

Торйӧн кутасны видлавны Коми Республикалысь 2012 – 2014 воясын федеральнӧй уджтасъяс збыльмӧдӧм. Талы сиасны Коми Каналан Сӧветса  Президиумлысь заседание.

Сьӧмкуд вылын уджыс помасяс ведомствокостса сӧгласительнӧй комиссиялӧн заседаниеӧн, сэсся «2015 во вылӧ да 2016-2017 воясся планӧвӧй кадколаст вылӧ Коми Республикаса республиканскӧй сьӧмкуд йылысь»  оланпас баласӧ видлаласны  Коми Каналан Сӧветса сессиялӧн вӧльгым тӧлысся заседание дырйи.