Коми Республикаса Каналан Сӧветӧн Веськӧдлысьӧс вежысь Александр Макаренко участвуйтіс рынокын вежсьӧмъяслысь мониторинг да ӧдйӧ реагируйтан штаблӧн заседаниеын, коді муніс Емдін районса Айкатыла сиктын.

Колян во помсянь районын вӧчӧны донъяслысь мониторинг, коді петкӧдліс, мый донъясыс содӧны, а талун найӧ сувтісны да весиг мукӧд вылӧ чинӧны.

Та кындзи, Емдін районын пыр нуӧдӧны «Ценовой десант», ветлӧдлӧны ылі сикт-грездӧ. Сійӧ петкӧдліс, мый муниципалитетын медся ыджыд донъясыс Гам сиктын, а медся ичӧтыс - Донаёль посёлокын.

«Колӧ регыдъя кадӧ туявны помкаяссӧ. Таын тіян тӧдчанлуныс. Ті сюся видзӧданныд донъяс бӧрся да став майшӧдлана юалӧмыс локтӧ тіян дорӧ», - тӧдчӧдіс Александр Макаренко.

Нӧшта удж кузя ветлігӧн дінмуса парламентлӧн вице-спикер участвуйтіс «Емдін» МР МЮ администрация бердын антинаркотическӧй комиссиялӧн уджын. Юӧр серти, районын эм наркоманиякӧд йитчӧм мытшӧд. Емдінса призывникъяс пиысь эз аддзыны ни ӧти наркозависимӧйӧс. Но муниципалитетын ёна оз тырымыны торъя тест-полоскаяс.

Нӧшта сёрнитісны, мый колӧ мырдӧн бурдӧдны наркозависимӧйясӧс. Александру Макаренко вӧзйис ыстыны татшӧм оланпас пыртан вӧзйӧмсӧ республикаса Каналан Сӧветӧ. Талун наркозависимӧйяссӧ бурдӧдӧны ас кӧсйӧм серти.