Коми Республикаса Каналан Сӧветын водзвыв видлалісны 2014 воын КР Видзӧдан-арталан палаталӧн удж йылысь отчёт. 

Уджалан сӧвещаниеӧн веськӧдліс Каналан Сӧветлӧн Сьӧмкуд, вот да экономическӧй политикаӧн Веськӧдлысьӧс вежысь Иван Медведев. КСП-лӧн видзӧдан да экспертно-аналитическӧй мероприятиеяслӧн бӧртасъяс йылысь юӧртіс Дінмуса видзӧдан-арталан палатаӧн Веськӧдлысь Михаил Евдокимов.

Сы серти, уджалан план серти 2014 воын Видзӧдан-арталан палата нуӧдіс 62 видзӧдан да экспертно-аналитическӧй мероприятие - стрӧитчӧмын, социальнӧй юкӧнын, безопасносьтын, олан да коммунальнӧй овмӧсын да мукӧд юкӧнын. Каналан Сӧветлӧн депутатъяс вӧзйисны сюся видзӧдны торъя мога республиканскӧй уджтасъяс збыльмӧдӧм бӧрся.