Коми Республикаса Каналан Сӧветлӧн оланпастэчас да меставывса асвеськӧдлӧм кузя комитетӧн веськӧдлысьӧс вежысь Алексей Цыпанов участвуйтіс Россияса Рытыв-Войвыв Парламентскӧй Ассоциациялӧн пыр уджалысь комитетлӧн чукӧртчӧмын. Сӧвещание муніс косму тӧлысь 3 лунӧ  Санкт-Петербургын, чукӧртчывлісны РФ Рытыв-Войвыв федеральнӧй кытшлӧн ӧкмыс субъектӧс петкӧдлысьяс.

Комитетӧ пырысьяс видлалісны меставывса асвеськӧдлӧм сьӧмӧн могмӧдӧм да муниципальнӧй сьӧм бурджыка видзӧм. Та кындзи, парламентарийяс видлалісны «Россия Федерацияын меставывса асвеськӧдлӧм котыртан ӧтувъя принципъяс йылысь» 131-ФЗ №-а федеральнӧй оланпасса 25.1 да 56 статьяясӧ вежсьӧмъяс пыртӧм йылысь» федеральнӧй оланпас бала.