Автопробег мунас Ыджыд вермӧм лунӧ – ода-кора тӧлысь 9 лунӧ Сыктывкарсянь Микуньӧдз. 1942 воын Емдін районлӧн Микуньса кӧрт туй станциясянь фронт вылӧ муніс республикаса салдатъясӧн медводдза эшелон. Таӧдз боечьясӧс нуисны юті Кардор обласьтса Котласӧдз.

«Память Победы» автопробег котыртысьяс Емдін районса администрациякӧд дасьтісны мунан туй. Шуӧма пыравлыны Микунь карса кӧрт туй вокзалӧ да ӧзынӧ. Та кындзи найӧ ветласны Айкатыла сиктса Оквад грездса мемориалъяс да памятникъяс дорӧ. Война кадӧ Емдін районса история йылысь висьталасны меставывса айму туялан учреждениеясын уджалысьяс. Помасяс автопробег Микуньса вокзал дорса изэрдын.

Емдін районса администрацияӧн юрнуӧдысь Василий Лютоев шуис: «Миян районлӧн озыр история. Комилӧн унджык районысь салдат муніс тыш вылӧ Емдін район пыр. Кора пыродчыны  «Память Победы» автопробегӧ».

Котыртысьясӧн юӧр серти, участникъясӧс кутасны пасйыны 10 час 30 минутын «Орбита» микрорайонса телецентр дорын, а стартуйтасны  11 часын.