«Коми республиканскӧй филармониялы 75 во – тайӧ нималана, тӧдчана тшупӧда пас. Тайӧ лоомторйыс зэв тӧдчана став республикалы. Ми тані век нимкодясям да любуйтчам творческӧй котыръясӧн. Лыддя, мый филармониялӧн туйыс артмис шедӧдӧмторъясысь да бур бӧртасъясысь. Ми пыдди пуктам нимйӧза, енбиа артистъясӧс, кодъяс нимӧдӧны миян муӧс», - висьталіс Надежда Дорофеева.

Коми Каналан Сӧветӧн Веськӧдлысь пасйис филармонияса кодзувъясӧс да сиис, медым республикаын найӧ тшӧкыдджыка ӧзйисны. Надежда Дорофеева казьтыштіс, мый грек кывсянь филармонияялӧн вежӧртасыс вуджӧдсьӧ кыдзи «радейта гармония». «Ме сиа тіянлы олӧмын, творчествоын да мӧвпъясын лад!» - помаліс сёрнисӧ парламентса спикер.