Форумын странаса быд дінмуӧс петкӧдлысьяс видлалісны вӧрзьӧдны позьтӧм эмбурлысь кадастрӧвӧй донъялӧм бурмӧдӧм, йӧзлысь дзоньвидзалун видзӧм кадръясӧн могмӧдӧм, а сідзжӧ муниципальнӧй школаяс да челядьӧс видзанінъяс уджӧдӧм да дзоньталӧм. Мероприятие дырйи вӧзйисны дасьтыны  «Йӧзӧс велӧдан учреждениеяс капитальнӧя дзоньталӧм» федеральнӧй торъя мога уджтас. Та кындзи, том парламентарийяслы котыртісны нималана политикъяскӧд, федеральнӧй ведомствоясӧн да гырысь компанияясӧн юрнуӧдысьяскӧд велӧдан семинаръяс да мастер-классъяс.

«Заседаниеыс муніс зэв ышӧдана да  бура. Ставнас ми видлалім кызьысь унджык юалӧм, юксим уджӧн. Лыддя, мый миян республикаын эм уна ышӧдана мӧвп, кутшомъясӧс позьӧ видлавны Палатаӧс петкӧдлысьяскӧд да экспертъяскӧд», – тӧдчӧдіс Комитетӧн веськӧдлысь.

*** Россияса Федерацияса Сӧвет бердын том оланпас пыртысьяслысь палата лӧсьӧдісны 2012 воын да сійӧ пыр уджалысь консультативнӧй орган. Медшӧр могъяс пиын – дасьтыны том йӧзлысь инӧдъяс да оланпас кӧсйӧмъяс кузя мытшӧдъяс оланпастэчас боксянь венан вӧзйӧмъяс.