«Техникумлӧн меддонаыс – тайӧ йӧз, велӧдысьяс, производствоӧ велӧдан мастеръяс. Дона ветеранъяс, тіян ловныд да уджныд петкӧдчӧ  техникумса историяын. Пыдди пуктана велӧдысьяс, мастеръяс, сӧвмӧдӧ тайӧ традицияяссӧ, пыдди пуктӧмӧн кутӧй техникумлысь ним. Ті век пуктывлінныд ыджыд могъяс. Ті вӧчанныд ставсӧ, медым студент локтіс татчӧ да кыліс, мый велӧдчӧ уджсикасӧ велӧдан медбур учреждениеын. А студентъяслы ме сиа, медым век тӧд вылын кутісны, мый бур нянь пӧжалысь, бур пусьысь да бур вузасьысь – тайӧ лыда йӧз», – пасйис Каналан Сӧветӧн Веськӧдлысь.

Надежда Дорофеева сетіс Сыктывкарса вузасян да технологическӧй техникумса ветеранъяслы да уджалысьяслы уна вося бур уджысь да уджсикасӧ велӧдӧмӧ ыджыд пай пуктӧмысь Коми Республикаса Каналан Сӧветӧн Веськӧдлысьлысь аттьӧалана гижӧдъяс.