Талун «Челядя аскотыръяслы Коми Республикаын канму гарантияяс йылысь» оланпас серти 2012 вося ӧшым тӧлысь 31 лун бӧрын чужысь коймӧд либӧ сы бӧрын кага чужигӧн гӧля олысь аскотыръяслы сетӧны быд тӧлысся сьӧм. Сійӧс сетӧны кагалы 3 арӧсӧдз.

Но талунӧдз тайӧ нормаыс вына 2015 вося ӧшым тӧлысь 31 лунӧдз. Такӧд йитӧдын кӧсйӧны пыртны стӧчмӧдӧмъяс, кутшӧмъяс нюжӧдасны найо отсӧгсӧ нӧшта ӧти во вылӧ – 2016 вося ӧшым тӧлысь 31 лунӧдз.

«Коми Республика дінмуяс пиын, кодъяслы  федералъяс сетісны 2016 во вылӧ судзсьытӧма олысь аскотыръяслы быд тӧлысся сьӧм мынтӧм вылӧ сьӧм.  Тайӧ сетіс позянлун нюжӧдны оланпаслысь вынсӧ во вылӧ да отсавны уна челядя аскотыръяслы. Та кындзи, мынтӧм арталігӧн кутасны тод вылӧ босьтны оз сӧмын ас,но и пи (ныв) пыдди босьтӧм челядьӧс. Сідзкӧ, отсӧг сетасны унджык аскотырлы», – пасйис Надежда Дорофеева. Сійӧ тӧдчӧдіс, мый быд тӧлысь республикаса войвыв зонаын олысьяслы 13 сюрс 892 шайт да 11 сюрс 324 шайт – лунвыв зонаясын олысьяслы.

Статистика серти, 2015 вося ӧшым тӧлысь 1 лун вылӧ тайӧ отсӧгсӧ босьтісны 2 737 аскотыр. Ставнас та вылӧ 2016 воын ковмас 464 миллион шайт.