Валентина Жиделева, курируйтӧ Коми Республикаса Каналан Сӧветын Том йӧзлӧн парламентлысь удж. Сійӧ чолӧмаліс заседание вылӧ чукӧртчысьясӧс да сиис, медым найӧ лоисны ас каръяслӧн да районъяслӧн муниципальнӧй сӧветъясса депутатъяслы отсасьысьясӧн да ӧтув вӧчысьясӧн. «Тіянлы тӧдсаӧсь став мытшӧд, кутшӧмъясӧс колӧ бырӧдны», - тӧдчӧдіс вице-спикер.

Талун жӧ бӧрйисны Том йӧзлӧн парламентӧн веськӧдлысьӧс. Гӧлӧсуйтӧм вылӧ вӧлі пыртӧма куим кандидатура: Олег Бекетов (Сыктывкар), Александр Лебедев (Сыктывкар) да Алексей Морозов (Сосногорск). Унджык гӧлӧс чукӧртіс Олег Бекетов.

*** Коми Республикаса том йӧзлӧн парламент – Коми Республикаса Каналан Сӧвет бердын пыр уджалысь консультативно-совещательнӧй орган. Сійӧс котыртісны, медым отсавны регулируйтны Коми Республикаса Каналан Сӧветлӧн уджын том йӧзлысь инӧдъяс да оланпас серти кӧсйӧмъяс.