Выльторъяс

Депутатъяс кывзісны Коми Юралысь Сергей Гапликовлысь 2016 воын КР Веськӧдлан котырлӧн удж йылысь тыръюӧр

Доклад дасьтігӧн Коми Каналан Сӧветлӧн депутатъяс лӧсьӧдісны дінмуса Юралысьлы уна юалӧм. Унджыкыс инмис экономика, стрӧитчӧм да ЖКХ, а сідзжӧ социальнӧй юкӧнлы.

Заседание вылын парламентарийяс вынсьӧдісны "Коми Республикаын студентъяслӧн отрядъяслы канмусянь отсӧг йылысь", "Коми Республикаын ӧтйӧза контроль кузя ӧткымын юалӧм йылысь", "Коми Республикаса ӧтйӧза палата йылысь", "Коми Республикаын муниципальнӧй юкӧнъяслӧн мутасъясын гражданаӧс юасьӧм урчитан да нуӧдан пӧрадок йылысь" оланпасъяс.

Пыртісны вежсьӧмъяс "Коми Республика мутасын меститчӧм уна патераа керкаясын ӧтувъя эмбур капитальнӧя дзоньталӧм котыртӧм йылысь", "Му йитӧдъясын ӧткымын юалӧм ладмӧдӧм йылысь", "Реклама юкӧнын ӧткымын юалӧм йылысь", "Коми Республикаын административнӧй кывкутӧм йылысь" да мукӧд оланпасӧ.

Депутатъяс вынсьӧдісны Коми Республикаса Каналан Сӧветлысь ӧткымын шуӧм, сы лыдын 2017 во вылӧ Каналан Сӧветлӧн нормотворческӧй да видзӧдан уджлысь ылӧса уджтас  да му пытшкӧс йылысь федеральнӧй оланпасӧ вежсьӧмъяс пыртӧм кузя оланпас вӧзйӧм йылысь ылӧса уджтас.