Вӧльгым тӧлысь 27 лунӧ Коми Республикаса Каналан Сӧветлӧн Президиумса заседание вылын  депутатъяс видлалісны республиканскӧй парламентса сессиялӧн  заседание вылын непарламентса ютыръясӧс петкӧдлысьясӧс корӧм йылысь юалӧм.

Коми Республикаса Каналан Сӧветӧн Веськӧдлысь Надежда Дорофеева серти, «Кансям ютыръяс йылысь» федеральнӧй оланпас серти непарламентса ютыръясӧс быд во корӧны оланпас пыртан органлӧн сессияса заседание вылӧ, кӧні найӧ вермӧны юксьыны ас видзӧдласӧн.

«Таво республиканскӧй парламентса сессиялӧн  заседание вылын непарламентса ютыръясӧс петкӧдлысьяслӧн сёрнитан темаыс «Коми Республикаын муниципальнӧй юкӧнъяс сӧвмӧдӧмын кансям ютыръяслӧн пай». Ми вӧзъям налы висьтасьны местаясын ас удж йылысь, юксьыны уджӧн, а сідзжӧ виччысям насянь республикаса муниципалитетъяс сӧвмӧдӧм кузя вӧзйӧмъяс да мӧвпъяс», – пасйис Надежда Дорофеева.

Нӧшта Президиумса заседание вылын депутатъяс вынсьӧдісны ӧшым да тӧвшӧр тӧлысьяс вылӧ парламентлӧн уджлысь ылӧса план. Казьтыштам, Коми Республикаса Каналан Сӧветлӧн локтан заседаниеыс мунас ӧшым тӧлысь 21 лунӧ.