Ӧні йӧз видлалӧны «Коми Республикаса Каналан Сӧвет бердын Общественнӧй сӧвет котыртан пӧрадок йылысь панас йылысь» Коми Республикаса Каналан Сӧветлӧн шуӧм бала, кутшӧмӧс йӧзӧдӧма дінмуса парламентлӧн сайт вылын.

Панас серти, Коми Республикаса Каналан Сӧвет бердын Общественнӧй сӧвет кутас сетны консультацияяс да пӧртны олӧмӧ сӧвещательнӧй могъяс да общественнӧй  «Россия Федерацияын общественнӧй контрольлӧн подувъяс йылысь» федеральнӧй оланпас серти, мукӧд федеральнӧй оланпас да нормативнӧй инӧда акт серти. Тайӧ органсӧ котыртӧны Коми Республикаса Каналан Сӧветлӧн уджмогъяс збыльмӧдан кадколаст вылӧ.

Общественнӧй сӧветӧ пырас 5 морт, найӧс вермасны вӧзйыны Коми Республикаса Каналан Сӧветлӧн комитетъяс, а сідзжӧ Коми Республикаса общественнӧй палата.

План серти Коми Республикаса Каналан Сӧвет бердын Общественнӧй сӧвет котыртан пӧрадок йылысь панассӧ вынсьӧдасны Шуӧмӧн косму тӧлысся заседание вылын, сэсся кутасны котыртны  Общественнӧй сӧвет.