Коми Республикаса Каналан Сӧветлӧн социальнӧй политика комитетӧн веськӧдлысь Сергей Артеев участвуйтіс Коми Республикаса удж, уджӧн могмӧдан да социальнӧй отсӧг сетан министерстволӧн коллегияын. Заседание вылын сёрниыс муніс 2017 воын Министерстволӧн удж йылысь.

Сергей Артеев серти, 2017 воын Каналан Сӧветлӧн оланпастэчас уджын верктуйяс пиын вӧлі социальнӧй политика.

«2017 воын республиканскӧй оланпасъяслӧн коймӧд пайыс йитчӧма вӧлі социальнӧй юкӧнкӧд. Кӧсъя пасйыны, мый 2018 воын  Каналан Сӧветлӧн оланпастэчас уджын верктуйяс пиын важ моз кольӧны профильса министерствокӧд ӧтвылысь социальнӧй политикаын оланпастэчас бурмӧдӧм», - тӧдчӧдіс Сергей Артеев да аттьӧаліс министерствоса уджалысьясӧс бура да кывкутӧмӧн уджалӧмысь.