Паныдасисны Коми Республикаса Юралысьлӧн Администрацияын косму тӧлысь 24 лунӧ. Видлалісны дінмунын социально-экономическӧй да санитарно-эпидемиологическӧй серпас, коронавируслы паныд мераяс да республикаса экономика ышӧдан вӧзйӧмъяс.

«Коми Республикаса Веськӧдлан котыр талун уджалӧ сы вылын, медым дінму вермис овны мӧд пандемия дырйи – экономическӧй, - тӧдчӧдіс Владимир Уйба. – Медым прӧйдитны тайӧ сьӧкыдлунсӧ, миянлы колӧ ӧтувтчыны, уджавны ӧти котырӧн да став вын сетны йӧзлы бур вылӧ».

Паныдасьлӧм дырйи видлалісны сессия нуӧдӧм, кутшӧмӧс кӧсйисны нуӧдны косму тӧлысь 29 лунӧ, но коронавирус вӧсна вуджӧдісны.

Тӧд вылӧ босьтӧмӧн сійӧ, мый дінмуса Веськӧдлан котыр дасьтіс да пыртіс видлавны асшӧр уджалысьяслы отсӧг сетан зэв тӧдчана оланпас балаяс (сы лыдын, Комиын эмбур вылӧ вот йылысь да «Уджсикас серти чӧжӧс вылӧ вот» торъя вот йылысь оланпасъясӧ стӧчмӧдӧмъяс), шуисны выльпӧв видлавны косму тӧлысся заседание киритӧм йылысь решение.

Паныдасьӧм вылын шуисны, мый заседаниесӧ колӧ нуӧдны, но стӧча кутчысьны  санитарно-эпидемиологическӧй корӧмъясӧ.