Выльторъяс

Парламентса урокъяссӧ сиасны Коми Каналан Сӧветлы 25 во тырӧмлы

Тӧдӧмлунъяслӧн лунӧ заводитчӧны парламентса урокъяс, кутшӧмъясӧс таво сиасны Коми Республикаса Каналан Сӧветлы 25 во тырӧмлы.

Восьса урокъяс вылын Коми Каналан Сӧветлӧн депутатъяс висьталасны гырысь класса велӧдчысьяслы да республикаса студентъяслы оланпас пыртан власьт органлӧн тэчас йылысь, оланпас пыртан удж йылысь, парламентарийяслӧн удж йылысь да Каналан Сӧветлӧн мероприятиеяс йылысь, депутатъясӧн вынсьӧдӧм йӧзлы тӧдчана оланпасъяс йылысь.

Каналан Сӧветлӧн историякӧд да чужан му сӧвмӧдӧмӧ оланпас пыртысьяслӧн пай йылысь велӧдчысьясӧс тӧдмӧдас  «Кызь вит вося туй» фильм. Сэні квайтысь бӧрйӧм Каналан Сӧветӧс петкӧдлысьяс висьталасны медтӧдчана оланпасъяс вылын удж йылысь, вензьӧмъяс да видлалӧмъяс йылысь, казьтыштасны уджъёртъяссӧ. Фильм видзӧдӧм бӧрын велӧдчысьяслы вӧзъясны вочавидзны викториналӧн юалӧмъяс вылӧ.

Ставнас кӧч тӧлысьлӧн медводдза кык вежоннас парламентарийяс нуӧдасны республикаса каръясын да районъясын комынысь унджык паныдасьӧм.

Коми Каналан Сӧветлӧн депутатъяс нуӧдӧны республикаса школаясын парламентса урокъяс