Выльторъяс

Коми Каналан Сӧветын заводитісны видлавны республиканскӧй сьӧмкуд йылысь оланпас

Коми Республикаса Каналан Сӧветын заводитчисны «2021 во вылӧ да 2022-2023 воясся планӧвӧй кадколаст вылӧ Коми Республикаса республиканскӧй сьӧмкуд йылысь» оланпас бала видлалан мероприятиеяс.

Кыдзи висьталіс Коми Каналан Сӧветӧн Веськӧдлысь Сергей Усачев, тӧлысьӧн депутатъяс да Веськӧдлан котырӧ пырысьяс видлаласны 18 канму уджтас, кутшӧмъяс подув вылын лӧсьӧдасны дінмулысь медшӧр сьӧма документсӧ.

«Дерт, сійӧс лӧсьӧдам сьӧкыд условиеяс дырйи, мыйяс йитчӧмаӧсь пандемия вӧсна экономика усьӧмкӧд. Локтан воын сьӧмкудлӧн чӧжӧсыс лоас 74,2 млрд. шайт мында, мый 12,0 млрд. шайт вылӧ этшаджык 2020 во серти. Та дырйи Коми Республикаса сьӧмкудлӧн ас чӧжӧсыс чинас 17 млрд. шайт вылӧ – мусир вылӧ донъяс да спрос чинӧм вӧсна. Рӧскодыс лоас 83,8 млрд. шайт мында да тайӧ таво серти 11 млрд. шайт вылӧ этшаджык. Та вылӧ видзӧдтӧг, республика водзӧ кутас отсавны гражданалы да локтан кык воӧн индексируйтас 4% вылӧ социальнӧй отсӧгсӧ, бюджетникъяслы удждонсӧ да уджсикасӧ велӧдан учреждениеясын студентъяслы стипендияяссӧ», – тӧдчӧдіс Сергей Усачев.

Парламентса спикер содтіс, мый депутатъяслӧн медшӧр могыс важыс  – разьны нюжӧдны позьтӧм экономическӧй да социальнӧй мытшӧдъяссӧ, а сідзжӧ пӧртны олӧмӧ республикаса олысьяс водзын социальнӧй кӧсйысьӧмъяссӧ. Та вӧсна Каналан Сӧвет кутас сюся анализируйтны канму уджтасъяслысь вӧзъяна верктуйяссӧ да туйвизьяссӧ, а сідзжӧ контроль улӧ босьтас сьӧма воын средствоясӧн эффективнӧя вӧдитчӧм.

Республикаын экономика серпас донъяліс Коми Веськӧдлан котырӧн Юрнуӧдысьӧс Медводдза вежысь Игорь Булатов. Сы серти, 2020 во помын республикаса сьӧмкудйыс лоас ыджыд дефицита, чинас валӧвӧй дінмуса прӧдуктыс да инвестицияяс. Сьӧкыд условиеяс вылӧ видзӧдтӧг, дінмуса Веськӧдлан котыр мӧвпалӧ бурӧн петны кризисысь да лача кутӧ сӧвмӧм вылӧ. Тайӧ артмас экономика модельяс ӧткодялӧмӧн, кутшӧмъяс оз кутны йитчыны ресурсъяс вылӧ донъяскӧд да экономика диверсификациякӧд. Нӧшта ӧти туйвизь – уджӧ инновацияяс да выль технологияяс пыртӧм. Тайӧ могсӧ кутас пӧртны олӧмӧ Цифра отсӧгӧн сӧвмӧдан, йитӧд да юӧр сетан выль республиканскӧй министерство.

Канму уджтасъяс видлалӧм бӧрын депутатъяс видлаласны сьӧмкуд йылысь оланпаслысь экспертиза, кутшӧмӧс вӧчасны Коми Республикаса видзӧдан-арталан палата да Каналан Сӧветлӧн инӧда веськӧдланін. Мероприятиеясыс помасясны ведомствокостса сӧгласительнӧй комиссиялӧн заседаниеӧн. Сэсся сьӧмкуд йылысь оланпас баласӧ видлаласны Коми Республикаса Каналан Сӧветлӧн сессияса заседание вылын.

Выльторъяс:

Каналан Сӧветлӧн депутатъяс видлалісны «Народный бюджет», выль объектъяс стрӧитӧм да национальнӧй спорт сикасъяслы отсӧг

Депутатъяслӧн контроль улын канму эмбурӧн бураа вӧдитчӧм

Депутатъяс кӧсйӧны, медым асвӧляа пӧжарнӧйясӧс ышӧдісны сьӧмӧн

Комилӧн экономика Коми колана ногӧн паныдаліс пандемиясӧ

«Коми Республикаса культура» юкӧнын вӧчисны тӧдчана воськов

Локтан куим воын Комиын транспорт юкӧн сӧвмӧдӧм вылӧ урчитасны 17,4 миллиард шайт

Во помӧдз Коми Республикалӧн быд муниципалитетлӧн лоас ас «Правопӧрадок» уджтас

Коми парламентарийяс лыддьӧны, мый колӧ зільджыка уджавны стрӧитчан да ЖКХ юкӧнын

Медтӧчанаӧн кольӧ медицина отсӧглӧн качествоыс да сибаланлуныс

Коми Каналан Сӧветлӧн депутатъяс лыддьӧны, мый колӧ сетны содтӧд сьӧм дінмуын видз-му овмӧс сӧвмӧдӧм вылӧ

«Велӧдӧм сӧвмӧдӧм» Коми Республикаса канму уджтаслӧн медшӧр туйвизьясыс сибаланлун, качество да безопасносьт

СЗФО-ын цифраа услугаяс вӧдитчӧмын Коми водзмӧстчысьяс лыдын

Коми Республикаса Каналан Сӧветлӧн депутатъяс видлалісны 2021 вося сьӧмкудйӧ стӧчмӧдӧмъяс

Коми Каналан Сӧвет вынсьӧдіс 2021 во вылӧ республикалысь сьӧмкуд