Выльторъяс

Каналан Сӧвет восьтіс «Менам сьӧлӧмын Коми» проект

Каналан Сӧвет ӧтвылысь Коми культура, туризм да архив министерствокӧд восьтіс «Менам сьӧлӧмын Коми» проект. Сійӧ сиӧма республикалӧн 100 вося тшупӧда паслы.

Участникъяслы колӧ вӧчны республикаса триколоркӧд фото либӧ  гижны видео. Та бӧрын -  постсӧ йӧзӧдны  «Вконтакте» да «Инстаграм» социальнӧй везъясын  #КОМИФЛАГ хэштег улын. Во чӧжӧн медся ышӧдана метариалъяссӧ йӧзӧдасны дінмуса парламентлӧн сайт вылын да  «Вконтакте» социальнӧй везйын. Медбур уджъясысь сетасны козинъяс.

«Ми кӧсъям, медым унджык йӧз пырӧдчисны юбилейӧ, мед кӧть найӧ олӧны Мутнӧй Материкын, Москваын либӧ Парижын. Коло петкӧдлыны сійӧс, мый Коми Республикаыс сылы дона да олӧмыс йитчӧма тайӧ муыскӧд. Ӧнія йитӧдъяс сетӧны позянлун лоны матынджык да быдӧн вермас чолӧмавны чужан лунӧн ассьыс чужан мусӧ. Лыддя, мый «Менам сьӧлӧмын Коми» проект отсалас сӧвмӧдны том йоз пӧвстын айму радейтӧм, а сідзжӧ бурджыка кутасны тӧдны дінмуӧс» - тӧдчӧдіс парламентса спикер.

Проектсӧ восьтісны Москваын Комиӧс петкӧдланінкӧд телемост пыр йитчӧмӧн. Путешественник Никита Куприков вайис Антарктидаысь миян дінмулысь  дӧрапас.

Выльторъяс:

«Додо Пицца» компания котыртысь Федор Овчинников: «Менам сьӧлӧмым Коми»