Коми Каналан Сӧвет урчитіс Республикаса общественнӧй палатаӧ выль пырысьпуясӧс

Коми Республикаса Каналан Сӧвет урчитіс дінмуса общественнӧй палатаӧ кандидатъяслысь лыддьӧга. Коми Республикаса Каналан Сӧветӧн Веськӧдлысь Игорь Ковзель нимсянь ыстісны ӧкмыс ӧтйӧза уджалысьлы письмӧяс, кӧні вӧзйисны пырны сэтчӧ.
«Каналан Сӧветлӧн лыддьӧгӧ пыртісны опыта йӧзӧс, кодъяс некымын во нин уджалӧны Общественнӧй палатаӧ, да выль уджалысьясӧс. Тайӧ кандидатъяслӧн активнӧй гражданскӧй видзӧдлас да быдӧн нин шедӧдіс аслас уджын вермӧмъяс. Чайта, мый «стажа» общественникъяс да выль йӧз, кодъяс вермӧны общественнӧя уджавны республиканскӧй тшупӧдын, бурмӧдасны палаталысь уджсӧ», – пасйис Игорь Ковзель.
Коми Республикаса Каналан Сӧветсянь кандидатъяслӧн лыддьӧгӧ пырисны:

1. Бадыков Альмир Ахнафович – «Усинск» КК МЮ Сӧветса депутат, «Усинск» КК МЮ Сӧветлӧн ЖКХ да транспорт кузя комиссияӧн веськӧдлысьӧс вежысь;
2. Гаязов Винир Рифкатович (Валиахмад) – Коми Республикаса Муфтий;
3. Гончаров Анатолий Тихонович – Тышса да военнӧй службаса ветеранъяслӧн Коми республиканскӧй комитетӧн веськӧдлысь, «Победа» Коми республиканскӧй некоммерческӧй фондса директор, Коми Республикаса Юралысь бердын ветеранъяслӧн делӧяс кузя координационнӧй сӧветӧ пырысь;
4. Ефимов Андрей Владимирович – «Сыктывкарса канму университет» ВТУ ФКСВУ медицина институтса директор;
5. Жиделева Валентина Васильевна – «С.М. Киров нима Санкт-Петербургса лесотехническӧй канму университет» ВТУ КСВУ Сыктывкарса вӧр институтлӧн (филиаллӧн) директор;
6. Козак Михаил Васильевич (Михаил протоиерей) – Сыктывкарса Свято-Троицкӧй храмлӧн настоятель; 
7. Лапшина Галина Анисимовна – «Сыктывкарса аньяс» ӧтйӧза организацияясса президиумӧн веськӧдлысь, Сыктывкарса ичӧт бизнес кузя координационнӧй сӧветӧн веськӧдлысьӧс вежысь, Коми Республикаса Веськӧдлан котыр бердын ичӧт предпринимательство кузя координационнӧй сӧветӧ пырысь, «Сыктывкар» КК МЮ Сӧветса депутат;
8. Никогосян Мнацакан Аршавирович – «Дали Вояж» ИКК медыджыд директор, Коми Республикаса турагентствояслӧн ассоциацияса президент, «Россияса армяналӧн котыр» ставроссияса ӧтйӧза котырлӧн Коми Республикаын дінмуса юкӧнӧн веськӧдлысь;
9. Поташов Павел Валентинович – «ОПОРА РОССИИ» ичӧт да шӧр предпринимательстволӧн ставроссияса ӧтйӧза котырӧн веськӧдлысьӧс вежысь, Россельхознадзорса веськӧдланін бердын Коми Республикаын сӧвещательнӧй сӧветӧ пырысь.