Чукӧртчывліс Коми Республикаса Каналан Сӧветлӧн Президиум

Депутатъяс видлалісны кӧч тӧлысь 19 лунся Каналан Сӧветлӧн сессиялысь сёрнитантор.

КР сьӧм овмӧс министрӧс медводдза вежысь Валентина Туркина да «Кулӧмдін» МР-са юралысь -  администрацияӧн юрнуӧдысь Дмитрий Шатохин чукӧртчысьяслы юӧртісны «Канму муниципальнӧй могъяс вылӧ тӧвар, уджъяс, услугаяс ньӧбӧмын контракта тэчас йылысь» 44 №-а федеральнӧй оланпас республика мутасын збыльмӧдан ног йылысь.  Шуам, В. Туркина лыддьӧдліс нормативнӧй актъяс, кутшӧмъясӧс вынсьӧдӧма дінму тшупӧдын да муниципалитетъясын да кутшӧмъяс колӧны, медым збыльмӧдны оланпаслысь положениеяс, висьталіс канму заказчикъяслысь удж видлалӧмлысь кывкӧртӧдъяс йылысь. Юӧртысь пасйис, мый эмӧсь мытшӧдъяс, кутшӧмъяс артмӧны оланпас вӧсна, кӧні эмӧсь лӧсявтӧмторъяс. Такӧд йитӧдын республикаса  Минфин ыстіс оланпас стӧчмӧдӧм кузя вӧзйӧмъяс, на пиысь ӧткымынсӧ босьтісны тӧд вылӧ 44-ФЗ-ӧ стӧчмӧдӧмъяс пыртігӧн.

Тыръюӧръяс видлалӧм бӧрын, Президиум шуис водзӧ збыльмӧдны госзакупкаяс юкӧнын кнтракта тэчас да вӧзйис Коми Республикаса Веськӧдлан котырлы вынсьӧдны нормативнӧй инӧда актъяс, кутшӧмъяс кутасны ладмӧдны лӧсьӧдан, вынсьӧдан, закупкаяслӧн планъяс да закупкаяслӧн план-графикъяс нуӧдан ног, а сідзжӧ кутшӧмъяс нормаӧ вайӧдасны канму могъяс вылӧ закупкаяс.

Нӧшта Президиум видлаліс юалӧм, кутшӧм вӧлі йитчӧма «Россия Федерацияса вот кодекслӧн мӧд юкӧнса 181 статьяӧ вежсьӧм пыртӧм йылысь» ФЗ бала кузя Каналан Думаӧ оланпас вӧзъян водзмӧстчӧмӧн шыӧдчӧм йылысь Коми Республикаса Юралысьлысь вӧзйӧм мӧдысь видлалӧмкӧд.