Каналан Сöветлöн Уджмогъяс

КОМИ РЕСПУБЛИКАЛÖН ОЛАНПАС

Коми Республикаса Оланпас "Коми Республикаса Каналан Сöвет йылысь" (142.00Кб)

босьтöмъяс

 

Статья 8.Каналан Сöветлöн уджмогъяс

1. Каналан Сöветлöн уджмогъяс индыссьöны Россия Федерацияса Оланподулöн, федеральнöй оланпасъясöн, Коми Республикаса Оланподулöн, тайö Оланпасöн да Коми Республикаса мукöд оланпасöн.

2. Коми Республикаса оланпасöн:

1) вынсьöдöны Коми Республикаса Юралысьöн сетöм Коми Республикаса республиканскöй сьöмкуд да сiйöс збыльмöдöм йылысь отчёт;

2) федеральнöй оланпасöн индöм уджмогъяс серти индöны Коми Республика мутасын меставывса асвеськöдлан органъясö бöрйысьöмъяс нуöдан пöрадок;

3) вынсьӧдӧ "Россия Федерацияын стратегияа планируйтӧм йылысь" Федеральнӧй оланпас серти Коми Республикаын стратегияа планируйтан пӧрадок;

4) урчитöны вотъяс да öктасъяс, кутшöмъясöс индöмыс пырö федеральнöй оланпас серти Коми Республикалöн веськöдланторйö, а сiдзжö найöс перъян пöрадок;

5) вынсьöдöны Коми Республикалöн мутасса каналан небюджетнöй фондъяслысь бюджетъяс да найöс збыльмöдöм йылысь отчётъяс;

6) индöны Коми Республикаса эмбурöн, сы лыдын овмöс нуöдысь котыръяслöн, тöвариществояслöн да мукöд организационно-инöда формаа предприятиеяслöн капиталъясын Коми Республикаса доляясöн (пайясöн, акцияясöн), веськöдлан да вöдитчан пöрадок;

7) вынсьöдöны Коми Республикалысь сёрнитчöмъяс кырымалöм да дугöдöм;

8) урчитöны Каналан Сöветö бöрйысьöмъяс нуöдан пöрадок, а сiдзжö Коми Республикаса референдум индан да нуöдан пöрадок;

81) урчитöны Коми Республикаса Юралысьлысь бöрйысьöмъяс нуöдан ног да Коми Республикаса Юралысьöс чöвтан ног;

9) индöны Коми Республикалысь административно-территориальнöй тэчасног да сiйöс вежан пöрадок;

10) лöсьöдöны Коми Республикаса олöмö пöртысь власьт органъяслысь система;

11) федеральнöй оланпасöн урчитöм дырйи да урчитöм пöрадок серти лэдзöны муниципальнöй юкöнлысь бöрйöм орган;

12) индöны Коми Республикаса видзöдан-арталан палата артмöдан да уджöдан пöрадок;

13) лöсьöдöны Коми Республикалысь каналан наградаяс да почёт нимъяс;

14) веськöдлöны мукöдторйöн, мый Россия Федерацияса Оланподув, федеральнöй оланпасъяс, Коми Республикаса Оланподув да Коми Республикаса оланпасъяс серти пырö Коми Республикалöн веськöдлöм да уджмогъяс улö.

3. Каналан Сöветлöн шуöмöн:

1) вынсьöдöны Уджаланарт да видлалöны Каналан Сöветлöн пытшкöс уджын юалöмъяс;

2) киритöма;

3) вермöны оформитны Коми Республикаса Веськöдлан котырлöн удж йылысь, сы лыдын Каналан Сöветöн сувтöдöм юалöмъяс кузя. Коми Республикаса Юралысьлысь быдвося отчёт кывзöмлысь кывкöртöд;

31) культура, дзоньвидзалун видзан, велӧдан, социальнӧя могмӧдан юкӧнын организацияясӧн, кодъяс меститчӧмаӧсь Коми Республика мутасын да кодъясӧс учредитысьӧн лоӧ Коми Республика, услугаяс сетан условиеяслысь ногтуйсӧ асшӧра донъялан бӧртасъяс да индӧм организацияяслысь уджсӧ бурмӧдӧм серти примитан мераяс йылысь Коми Республикаса Юралысьлысь быдвося быть колана публичнӧй отчёт видлалан бӧртасъяс серти оформитӧны помшуӧм;

4) оформитöны Россия Федерацияса Федеральнöй Собраниелöн Федерация Сöветö Каналан Сöветöс петкöдлысьöс бöрйöм, а сiдзжö видлалöны юалöмъяс, кутшöмъяс йитчöмаöсь Россия Федерацияса Федеральнöй Собраниелöн Федерация Сöветö Коми Республикаса Веськöдлан котырöс петкöдлысьöс индöмкöд;

5) индöны Коми Республикалöн Оланподув Ёрдса ёрдысь чинö;

6) индöны Коми Республикаса мирöвöй ёрдысь чинö; 

61) примитӧны решение, мый серти кыскӧны отставкаын ёрдысьӧс збыльмӧдны мирӧвӧй ёрдысьлысь могъяс;

7) индöны Коми Республикаса ёрдысьяслöн квалификационнöй коллегияö общественносьтöс петкöдлысьясöс, Коми Республикаса бöрйысян комиссияö вына гöлöс инöда джын пырысьсö да Коми Республикаса общественнöй палатаö дас пырысьöс;

8) индöны чинö да мездöны чинысь Коми Республикаса морт инöдъяс торъя дорйысьöс;

9) оформитöны Коми Республикалöн Каналан Сöветса Веськöдлысьöс, Коми Республикалöн Каналан Сöветса Веськöдлысьöс вежысьясöс, Каналан Сöветлöн комитетъясса, мукöд органса веськöдлысьясöс либö юрнуöдысьясöс да найöс вежысьясöс бöрйöм. а сiдзжö Коми Республикалöн видзöдан-арталан палатаса веськöдлысьöс, сылысь вежысьöс да Коми Республикаса видзöдан-арталан палатаса аудиторъясöс индöм;

10) сöгласуйтöны Коми Республикаса Веськöдлан котырöн Веськöдлысьöс, Коми Республикаса Веськöдлан котырöн Веськöдлысьöс Медводдза вежысьöс, Коми Республикалöн сьöм овмöсса министр, Россия Федерацияын да сылöн субъектъясын, суйöрсайса канму мутасын Коми Республикаöс петкöдлысьяс чинö индöм кузя Коми Республикаса Юралысьлысь сетöм вöзйöмъяс;

11) оформитöны решениеяс, кутшöмъяс йитчöмаöсь ёрд да инöд видзан органъяслöн кадръяскöд, Коми Республикаса прокурорöс индöмкöд Россия Федерацияса законодательство серти;

12) индöны Каналан Сöветö бöрйысян лун;

121) индöны Коми Республикаса Юралысьöс бöрйысьöмъяс, Коми Республикаса Юралысьöс чöвтöм кузя гöлöсуйтöм;

13) индöны Коми Республикаса референдум;

14) оформитöны Коми Республикаса Юралысь, Коми Республикалöн сьöм овмöсса министр дорö эскытöмлун (эскöмлун) йылысь решение федеральнöй законодательствоöн да Коми Республикаса законодательствоöн артыштöм подув да пöрадок серти;

15) вынсьöдöны Коми Республикалысь мудор вежöм йылысь артмöдчöм;

16) ошкöны уджмогъяс юклöм йылысь сёрнитчöм копия;

161) оформитны Каналан Сӧветлысь отзыв Россия Федерацияса Президентлӧн нормативнӧй инӧда акт бала вылӧ либӧ Россия Федерацияса Веськӧдлан котырлӧн нормативнӧй инӧда акт бала вылӧ, кутшӧмъясӧс ыстӧмаӧсь «Россия Федерацияса субъектъяслӧн оланпас пыртысь (бӧрйӧм) да олӧмӧ пӧртысь канму власьт органъяс котыртан ӧтувъя принципъяс йылысь» Федеральнӧй оланпаслӧн 263 статьяса 71 пункт серти, сэтшӧм случай кындзи, кутшӧмӧс урчитӧма тайӧ Оланпаслӧн  13 статьяса 5 юкӧнлӧн 81 пунктӧн;

17) оформитöны Коми Республикаса Юралысь либö Коми Республикаса олöмö пöртысь власьт органъясö шыöдчöм йылысь решение, кöнi вöзйöма пыртны вежсьöмъяс да (либö) содтöдъяс наöн йöзöдöм актъясö либö вöзйöма киритны найöс, либö обжалуйтны индöм актъяссö ёрд пöрадок серти;

18) оформитöны Россия Федерацияса Федеральнöй Собраниелöн Каналан Думаö оланпас вöзъян пöрадок серти шыöдчöм йылысь решение;

19) оформитöны Россия Федерацияса Оланподув Ёрдö, Коми Республикаса Оланподув Ёрдö шыöдчöм йылысь решение федеральнöй законодательство серти да Коми Республикаса законодательство серти;

20) вынсьöдöны депутат этикакöд йитчöм юалöмъяс кузя решение;

21) гöгöрвоöдöны Коми Республикалысь оланпасъяс;

22) вынсьöдöны Каналан Сöветлысь нормотворческöй да контрольнöй уджлы ылöса уджтас;

23) оформитöны оланпас вынсьöдöм йылысь, а сiдзжö оланпас бала вынсьöдöм либö вештöм йылысь решение;

24) оформитöны мукöд решение юалöмъяс кузя, мыйяс Россия Федерацияса Оланподув, федеральнöй оланпасъяс, Коми Республикалöн Оланподув да Коми Республикалöн оланпасъяс серти пырöны Каналан Сöветлöн веськöдланторъяс да уджмогъяс лыдö.