Каналан Сöветöн Веськöдлысь

Чужис 1960 вося моз тӧлысь 15 лунӧ Коми АССР-са Сыктывкарын.

Тӧдӧмлун: вылыс тшупӧда, Сыктывкарса канму университет, «Физика» уджсикас (1983); Канму службаӧ велӧдан Рытыв-Войвыв академия, «Юриспруденция» уджсикас (2001). Политика наукаясса кандидат (2007).

Уджалӧм:

1977 воын – Эжваса судостроительнӧй да дзоньталан заводлӧн ОРС-ын сӧвтчысь-ректысь, Сыктывкарса вӧр пилитан да вӧр обрабатывайтан  комбинатын уджалысь (Сыктывкар);

1977 – 1978 воясын –1 №-а СПТУ-ын  лаборант (Сыктывкар);

1978 г. – Эжваса судостроительнӧй да дзоньталан заводлӧн ЦДО-ын уджалысь (Сыктывкар);

1982 – 1983 воясын – Сыктывкарса канму университетын лаборант, инженер;

1982 – 1985 воясын –армияын служба;

1985 г. – Сыктывкарса вӧр пилитан да вӧр обрабатывайтан  комбинатын 4 разряда сортируйтысь;

1985 – 1986 воясын – Сӧветскӧй вузасьӧмлон Сыктывкарса техникумын  физика велӧдысь;

1986 – 1999 воясын – Россияса ФСБ-ын служба;

1999 воын – «Россия Федерацияса инӧд видзан органъяслӧн ассоциация» КРОПО-лӧн олӧмӧ пӧртысь директор (Сыктывкар);

1999 – 2015 воясын – Коми Республикаса лицензия службаӧн юрнуӧдысь;

2016 – 2020 воясын –  «Сыктывкарса ликёр да водка завод» акционер котырлӧн медыджыд директор.

Коми Республикаса VII бӧрйӧм Каналан Сӧветын: 2020 вося кӧч тӧлысь 24 лунӧ бӧрйисны Коми Республикаса Каналан Сӧветса Веськӧдлысьӧн.

Кансям да ӧтйӧза удж:

 «Россияса юристъяслӧн ассоциация» ставроссияса ӧтйӧза организация;

 «ЕДИНАЯ РОССИЯ» Ставроссияса кансям ютыр дор сувтысь.

Наградаяс да ошкӧмъяс:

«СССР-са ВС-лы 70 во» тшупӧда медаль (1988);

«Военнӧй службаын отличиеысь» 3 тшупӧда медаль (1997);

Коми Республикаса Почёт грамота (2009);

«Коми Республика водзын заслугаясысь» отличие пас (2010);

«Коми Республикалы 90 во» почёт пас (2011);

«Коми Республикаса нимӧдана уджалысь» почёт ним (2015);

Россия Федерацияса юстиция министерстволӧн Почёт грамота (2015);

Коми Республикаса Каналан Сӧветлӧн почёт грамота (2020).

"Коми Республикаса Каналан Сöветöн Веськöдлысь
да сiйöс вежысьяс костын уджмогъяс юклöм йылысь"
Коми Республикаса Каналан Сöветöн Веськöдлысьлöн
2020 вося рака тöлысь 16 лунся 22 №-а тшöктöмысь юкöн

Коми Республикаса Оланподувлöн 74 статья, «Коми Республикаса Каналан Сöвет йылысь» Коми Республикаса Оланпаслöн 12 статьяса 3 юкöн да Коми Республикаса Каналан Сöветлöн (водзö – Каналан Сöвет) Уджаланартса 12 статья подув вылын вынсьöдны Коми Республикаса Каналан Сöветöн Веськöдлысь да сiйöс вежысьяс костын уджмогъяс татшöм юклöм:

Коми Республикаса Каналан Сöветöн Веськöдлысь С.А. Усачёв:

1) öтув веськöдлö юалöмъяс, кутшöмъясöс кутас видлавны Каналан Сöвет, дасьтöмöн да Каналан Сöветса чукöртчöмъяс дасьтöмöн;

2) чукöртö да нуöдö Каналан Сöветса заседаниеяс, пыртö видлавны Каналан Сöветлы заседаниеса сёрнитанторлысь бала;

3) кырымалö Каналан Сöветöн примитöм шуöмъяс;

4) ыстö Коми Республикаса Юралысьлы йöзöдöм вылö Каналан Сöветöн примитöм Коми Республикаса оланпасъяс;

5) юрнуöдö Каналан Сöветса Президиумлöн уджöн;

6) вöзйö Каналан Сöветлы Каналан Сöветса Аппаратöн юрнуöдысьлöн чинö кандидатураöс, кырымалö сыкöд служебнöй контракт, сетö сiйöс чинысь чöвтöм йылысь вöзйöмъяс;

7) сöгласуйтö Каналан Сöветса Аппаратлысь тэчас;

8) юклö Каналан Сöветöн Веськöдлысьöс вежысьяс костын уджмогъяс;

9) петкöдлö Каналан Сöветöс Коми Республикаса Юралыськöд, Коми Республикаса Веськöдлан котыркöд, Коми Республикаса Оланподув Ёрдкöд, Коми Республикаса Медвылыс Ёрдкöд, Коми Республикаса арбитражнöй ёрдкöд, Коми Республикаса канму мукöд органкöд да Коми Республикаын меставывса асвеськöдлан органъяскöд, Россия Федерацияса Президенткöд, Россия Федерацияса Федеральнöй Собраниекöд, канму власьт федеральнöй мукöд органкöд, Россия Федерацияса субъектъяскöд, суйöрсайса канмуяслöн парламентъяскöд, войтыркостса парламентскöй да мукöд организацияын öта-мöдкöд йитöдын;

10) Каналан Сöветса Президиумлöн сöглас серти кырымалö Каналан Сöвет нимсянь Каналан Сöвет да Россия Федерацияса, Коми Республикаса канму власьт органъяс, а сiдзжö Россия Федерацияса мукöд субъектлöн канму власьт органъяс, Россия Федерацияса, Коми Республикаса канму органъяс, канму власьт федеральнöй органъяслöн тэчасса органъяс либö юкöдувъяс, учреждениеяс, öтйöза öтувъяс костын öтвылысь уджалöм йылысь артмöдчöмъяс;

11) öтув юрнуöдö Каналан Сöветлöн органъясöн;

12) сöгласуйтö Каналан Сöветöн Веськöдлысьöс вежысьяслысь, Каналан Сöветса комитетъясöн да комиссияясöн веськöдлысьяслысь удж;

13) сöгласуйтö Каналан Сöветса органъяслысь удж, а сiдзжö Каналан Сöветлысь да сылöн органъяслысь Коми Республикаса Веськöдлан котыркöд, Коми Республикаса канму власьт мукöд органкöд, Коми Республикаса канму органъяскöд, Коми Республикаын меставывса асвеськöдлан органъяскöд, Россия Федерацияса канму власьт органъяскöд да федеральнöй канму органъяскöд öтувъя удж:

а) парламенткостса удж;

б) Каналан Сӧветлӧн войтыркостса удж;

в) национальнӧй политика да войтыркостса удж;

г) Каналан Сöветса Уджаланарт да депутатса этика;

д) гражданалöн шыöдчöмъяс, гражданаöс примитöм котыртöм, гражданалöн шыöдчöмъяс видлалöмкöд йитчöм тшöктöмъяс збыльмöдöм бöрся видзöдöм;

е) Каналан Сöветлöн инöд видзан да ёрд органъяскöд öтувъя удж;

14) урчитö Каналан Сöветлысь юöртан политика;

15) петкӧдлӧ Каналан Сӧветлысь интересъяссӧ финн-угор мирын;

16) сетö видлавны Каналан Сöветлы лöсялана во вылö Каналан Сöветлöн нормотворческöй да контроль уджлысь ылöса уджтас бала;

17) сетö тшöктöмъяс аслас вежысьяслы, Каналан Сöветса органъясöн юрнуöдысьяслы да депутатъяслы, Каналан Сöветса Аппаратöн юрнуöдысьлы, сiйöс вежысьяслы да Каналан Сöветса Аппаратлöн тэчасса юкöдувъясöн юрнуöдысьяслы;

18) Каналан Сöветлы петкöдлö Каналан Сöветлöн удж йылысь тыръюöръяс;

19) примитö Каналан Сöветса депутатъяслöн шойччöгъяс, командировкаяс йылысь решениеяс;

20) йöзöдö аслас компетенцияö пырысь юалöмъяс серти тшкöтöмъяс;

21) збыльмöдö мукöд уджмог, кутшöмъяс йитчöмаöсь Каналан Сöветлöн уджкöд.