Коми Республикаса Каналан Сöветöн Веськöдлысьлöн Шыöдчöм

Меным нимкодь чолӧмавны тіянӧс Коми Республикаса Каналан Сӧветлӧн официальнӧй сайт вылын.

Лыддя, мый восьсалун да йӧз водзын петкӧдчӧм – миян республикаса оланпас пыртан власьт органлӧн уджалан принципъяс пиын медтӧдчанаясыс. Удж кузя ветлігӧн да ас сёрниӧн йӧзӧс примитігӧн депутатъяс юӧртӧны олысьяслы дінмуса да федеральнӧй оланпастэчасын вежсьӧмъяс йылысь, висьталӧны йӧзӧс юӧртан средствоясын ас удж йылысь. Дінмуса парламентлӧн выльмӧдӧм сайт нӧшта йитас йӧзӧн бӧрйӧмаясӧс да водзмӧстчысь йӧзӧс..
Тані ті верманныд тӧдмасьны Коми Республикаын оланпас пыртан власьтлӧн историяӧн, Каналан Сӧветӧ пырысьяскӧд да сылӧн тэчасӧн, видлавны оланпас балаяс да вынсьӧдӧм нормативнӧй инӧда актъяс, видзӧдны заседаниеяслысь видео-трансляция, тӧдмасьны выльторъясӧн.

Ӧтуввез водзвежӧс отсӧгӧн сайт вылӧ быд пырысьлӧн эм позянлун сетны Каналан Сӧветлӧн депутатъяслы юалӧм либӧ ыстыны ас оланпас вӧзйӧм. Став конструктивнӧй мӧвп да вӧзйӧм, кутшӧмъяс сӧвмӧдасны миянлысь республиканымӧс да бурмӧдасны гражданалысь олӧмсӧ, ошкасны депутатъяс да тӧд вылӧ босьтасны водзӧ удж лӧсьӧдігӧн.

Пыдди пуктӧмӧн,
Коми Республикаса Каналан Сӧветӧн Веськӧдлысь

Н.Б. Дорофеева